Ua iai talosaga ua tatau ona faatulafonoina auaunaga o loo mafai ai ona faia faatau ae totogi mulimuli, poo le buy now, pay later services
Ua autasi le Christians Against Poverty ma le Consumer NZ ma isi faalapotopotoga e pei o le Salvation Army ma le Debtfix e ala I se tusi ua tuuina atu I le minisita o pisinisi, David Clark e faatalosagaina ai le tatau ona faatapulaa buy now pay later services I lalo o le Credit Contracts ma le Consumer Finance Act
Taua e le sui o se tasi o faalapotopotoga o loo faapaaga nei ma le 150 lotu I totonu o le atunuu, ma o lea o loo galulue ma aiga o loo pologa I le tele o aitalafu
Buy now pay later services e aofia ai le Afterpay, Humm, Laybuy, Genoapay ma le Zip poo auaunaga nei e mafai ona aumai le oloa ae totogi mulimuli
O le finau a faalapotopotoga o loo faatalosagaina le faatulafono o nei auaunaga, e le o iai se eseesega o auaunaga nei ma loans poo nonogatupe ma e tatau ai ona faatalosaga e pei o le loan e ala I le uia o taiala masani
E le na o Niu Sila ua laga ai lenei mataupu, o lea foi na pisapisao ai Ausetalia, Amerika, Peretania ma le toatele o isi atunuu tetele ona o le mafai ona sao mai o auaunaga nei e aunoa ma le tapa o faamaoniga e suesue ai le gafatia ona totogi o faatauga faia faaaitalafu
