Ua amatalia le tausaga fou i le tatala ai o le avanoa e talosaga ai alo ma fanau a le atunuu i alii ma tamaitai mo galuega seila i luga o vaa la’uoloa ma meli la’upasese i atunuu i fafo.
O nisi ia avanoa faigaluega o loo maua e o tatou alii ma tamaitai ua maua tusipasi ma faailoga mai le a’oga mo seila o loo faafoe e le Iunivesite Aoao a Samoa, ma o i latou foi ia o loo tatala iai le faitoto’a e talosaga ai mo ia galuega.
O le kamupani vaa a le atunuu le Samoa Shipping Services o loo feagai ma le iloiloina o ia talosaga ma o le itutino ma’oti foi lea a le Malo o loo vaaia le feagai ai o tamafanau a le atunuu o loo galulue i luga o vaa oloa ma meli la’upasese i atunuu i fafo.
