O le aso Faraile na tea nei na tatala ai le ofisa tutotonu o le Fono Faavae a le Itumalo o le Vaimauga numera 4 o loo tulai mai ai le afioga Faualo Harry Jefferey Schuster, le Minisita o le Matagaluega o Leoleo, Falepuipui ma le Ola Toe Fuataina, le ofisa o le komisi o faigapalota ma le pulega o le tineimu ma galuega laveai i taimi o faalavelave faafuasei.

I lea sauniga na faaalia ai e le faipule o Vaimauga 4, lona faafetaia o le Malo ile poloketi o le miliona tala, o se taumafaiga e iai lona talitonuga o Samoa le atunuu muamua ile pasefika ua iai se fuafuaga e faamatuu ni seleni i tagata o itumalo e latou faaaogaina ini atiina a’e mo lo latou manuia.

O le tala o le galuega ile faaaogaina o le 200 afe a le itumalo o Vaimauga 4 ile faatuina o lona ofisa tutotonu o lana Fono Faavae na saunia ele faletua le tofa Tonu’u Fuamoli Amituanai Misi.

Le Failautusi o le Komiti Faatonu o le Fono Faavae a le Vaimauga 4 le faletua le tofa Tonuu Fuamoli Amituanai Misi.