O se tala fiafia i le faai’uga o le vaiaso le faasa’oloto mai ai e Papua i Sisifo o le pailate Niu Sila lea ua leva ona o latou taofia faamalosi.
E silia ma le tasi ma le ‘afa tausaga o taofia i Papua i Sisifo i Indonesia le alii pailate Kiwi ia Phillip Mehrtens, ma o le Aso Toonai lea na faato’ā faamautinoa mai ai loa e le ofisa leoleo i Niu Sila nei, o lea ua faasa’oloto.
O le alii pailate lenei ua umi o faatalosaga minisita o le va i fafo a Niu Sila seia oo mai ai lava ia Winston Peters o loo tu mai i le foe i le taimi nei, ma faaalia e le minisita o se fiafiaga tele le toe faasa’oloto mai ai e Indonesia o Mehrtens aemaise o le toe feiloa’i ma lona aiga.
Ua lipotia e le leitio faavaomalo a Niu Sila o lea na muamua auina atu mo siaki i le falema’i ma o loo manuia atoatoa seia vaganā ai le alu o lona tino.
Ae mai le Palemia o Niu Sila, Christopher Luxon, e lē gata o le loto faafetai i tagata Indonesia ae faapea foi i latou i Niu Sila nei e aofia ai le aiga o le pailate ona o le finau malosi ia toe faafoi mai Phillip Mehrtens.
Puna o Faamatalaga: NZ pilot Phillip Mehrtens freed from captivity in West Papua | RNZ News
