E lei atoa se tolu itula talu ona tatala le avanoa mo talosaga o le $25 miliona ae ua silia ma le 30 talosaga faaulu.
O le $25 miliona lenei ua tuuina mai e le malo e fesoasoani ai i le aufaifaatoaga ua aafia ona o le afā, ma o lea na tatala aloaia i le toe kuata i le itula e lua i le aoauli ananafi.
E ‘afa ane le fa i le afiafi ua 32 talosaga ua faaoo atu, ma o le ‘afa o talosaga nei e mai Hawke’s Bay.
O se fesoasoani tupe ua tuuina mai e fesoasoani mo galuega o loo moomia vave ona toe faaleleia i faatoaga faapea ai le mautinoa o le maua o le suavai mo meaola, faamamā palapala to’a auā le faasaoina o togalaau’aina ma togavine aemaise ai le faia o pa.
I se lipoti mai le matagaluega o Primary Industries o loo galulue nei i le faasoaina o lenei fesoasoani.
