O lea ua tasi le tausaga talu ona maua le pepe i le nofoaga o loo lafoa’i ai otaota recycle i Aukilani, peitai e le’i maua lava poo ai sona tina.
O le pepe tamaitai lenei na maua i Onehunga i le tausaga talu ai, ma e oo mai i le taimi na sau ai le lipoti ananafi a le ofisa o loo tatala pea le su’esu’eina o lenei mataupu.
E latalata i le 300 DNA na aga’i iai su’esu’ega ma e faapea e uma ane e negative uma.
E ese mai i le sailiga o le tina, e oo lava foi i le taumafai e faaaogā le DNA e saili ai le tamā, e leai foi.
E oo mai i le taimi nei o loo iai pea i le ofisa o loo faia su’esu’ega o tino maliliu, ma o loo fesoota’i pea ma le ofisa o leoleo i se taimi e faia ai ona toe sauniga.Poo le ā lava le taimi e aumai ai i tua, ae o lea ua ofo mai le ekalesia a St Peter’s latou te faia ona toe sauniga.
