O loo alu pea i luga le tele o osofa’iga faaleagamea i falelēta’ua o loo i nofoaga faitele a le itumalo o Kāpiti Coast lea ua totogi ai i tupe a tagata totogi lafoga le faitau fia $10 afe e toe faaleleia ai nei mea.
O falelēta’ua nei i Kāpiti Coast i Ōtaki ua silia ma le $80,000 e toe faaleleia ai meatotino na faaleagaina e le au faaleagamea, ma o lenei vaegatupe tele e mo na o le masina o Fepuari lea na faamauina ai.
E matua’i lē malamalama le sui o le puleganuu pe aisea lava e taula’i ai i falelēta’ua, ma ese mai le masina o Fepuari ua maitauina le alu lea i luga i totonu o le 6 masina talu ai.
Ua lipotia mai foi e lē na o Ōtaki o loo tupu ai, ae faapea foi falelēta’ua i Waikanae, Paraparaumu ma Raumati.
Fai mai ai le Pulenuu o Kāpiti Coast i tala a le 1News, e moni e lē o faigofie nei taimi i tagata, peitai o le faaleaga fua o meatotino nei i nofoaga faitele e lē o le tali lea ma e lē o fesoasoani foi lea i tagata uma.
Puna o Faamatalaga: Kāpiti Coast vandals cost ratepayers tens of thousands, targeting public toilets | Stuff
