Ua tapunia nei e Spain lona airspace ia Amerika ma ana vaalele o loo aofia i le osofa’ia o Iran, o se faamatalaga lea mai le Minisita o le Puipuiga a lea atunuu.
Fai mai a ia o le a lē faatagaina le faaaogāina o nofoaga faamiliteli e lua a le attune mo soo se gaioiga e iai sootaga ma le taua i Iran ma ia faailoa foi ua mae’a lelei ona faamanino lea tulaga ia Amerika mai lava i le amataga.
Faailoa e le latou Minisita o le Va i Fafo i le BBC, o le faamoemoe o lea faai’uga ina ia aua ne’i faatinoina se isi gaioiga e ono faateteleina ai le taua.
Ua lipotia foi se finagalo mai se tasi o sui mai le Fale Pa’epa’e poo le White House e faapea e lē o mana’omia e Amerika se fesoasoani mai ia Spain poo se isi lava.
I se taimi ua sola sa faamata’u ane ai foi Trump i le ono faia o ni sā tau fefaataua’iga ia Spain ona o lona lē lagolago ane ia Amerika aemaise o le mau a le Palemia o le atunuu, e solitulafono le gaioiga ua faia e Amerika ma Isaraelu ia Iran.
Puna o Faamatalaga: https://www.bbc.com/news/articles/cwy368j1e3lo
