O le asō foi ua faataunuu ai fuafuaga mo le faia o backburn poo le susunuina o tuavao i Sini ma vaega o loo faamata’u ane i nisi o fale i Northern Beaches mai le faai’uga o le vaiaso.
Ua lapata’ia ai e le vaega o le tineimu le atunuu o le a vaaia asu ma le manogi o laau susunu i le asō e lē taumate foi ma le aso a taeao.
E oo mai i le taimi nei o loo iai se vaega o le togavao i Northern Beaches o loo mu ma o loo galulue ai le tineimu e tapē.
O le a faasolosolo lava le faiga o backburns ia e pei ona masani ai i le vaitau lenei o le tausaga.
O isi vaega o le a sosoo iai e aofia ai Penrith ma se paka i Palm Beach ma o loo faamoemoe tineimu i tulaga lelei ma talafeagai o le tau e faatino ai ia faamoemoega.
O le asō i Sini e 27 tikeri le vevela ma e lē o tele se lamatiaga mai le malosi o le savili o loo agiagi i le asō ma o loo feololo lava tulaga o le tau aemaise o lea faato’ā oo i le spring ma le tautotogo ane o laau.
Puna o Faamatalaga: https://www.9news.com.au/national/sydney-burn-offs-fire-warnings-smoky-skies-this-week/f4dd9b11-522a-4203-aa92-d7ea054d8605
