O loo tapena se sauniga faapitoa mo i latou na ma’umau soifua ina ua taumafaina ma onanā ai i mushrooms e pei ona lipotia atu muamua i talafou.
O aiga o Don ma Gail Patterson o loo latou valaaulia tagata lautele e faamanatu ma manatua ai o la soifua, o si ulugalii lea mai Korrumburra i Vitoria.
E toatolu i latou na maliliu i le taumafaina o mushrooms ia ua agiga ai lipoti i soo se vaega o le lalolagi.
E lei iai se tasi ua molia i lenei mataupu ae sa iai masaloga a leoleo i se taimi ua sola e foliga sa fuafuaina lelei le faaonanāina o i latou ua aafia peitai o le vaiaso talu ai na saunoa ai le sui komesina o leoleo i Vitoria e umi se taimi o faia suesuega o lenei mataupu.
O le tamaitai sa feta’ua’ina le masalomia i le mataupu lenei sa tuuina ane sana faamatalaga i le vaiaso talu ai ma ta’ua ai o ia foi na ave i le falemai ona o le tausamiina o le taumafa lava lea e tasi na aafia ai le isi toatolu.
