Ua faagasolo tapenaga a le Pulega o Tagata Tafafao mai i Samoa i le taligamalo i le sailiga o se tausala o le Pasefika ua faatulaga e faia i le faaiuga o le masina nei o Ianauri e tau atu i le amataga o le masina fou o Fepuari.
Ua faailoa e le Ofisa Sili o Pulega o tagata tafafao e lei faamautuina atunuu o le a auina mai a latou tausala mo le tauvaga ona o loo faagasolo tauvaga e sailia ai ni tamaitai o le a fai ma sui o atunuu eseese o le Pasefika.
O le tausala a Samoa mai le lua tausaga talu ai o loo umia le pale o le Tausala o le Pasefika le tamaitai o Fonoifafo McFarland Seumanu na manumalo i le Tausala o le Pasefika i le masina o Iulai o le tausaga e 2020.
Sa ia tauaveina lea tulaga faatasi ai ma le Tausala o Samoa mai le 2020 i le 2022 ona sa le mafai ona faatino le tauvaga ona o tulaga sa iai puipuiga o atunuu mai le faamai Koviti-19.
Ua mae’a lona taimi sa avea ai ma Tausala o Samoa ina ua faia le tauvaga ia Setema o le tausaga na tea nei, ae o loo ia tauave pea le pale o le Tausala o le Pasefika seia mae’a le tauvaga o loo loma nei.
