Ua tapena le solo tetee tele a le Groundswell e faailoa mai ai lo latou le auai i fuafuaga a le malo na faailoa mai i le vaiaso talu ai.

E silia ma le 28,000 tagata Niu Sila ua saini  o le a o latou tutu faatasi ma le aufaifaatoaga e puipui le komiuniti aemaise o faatoaga mai fuafuaga a le malo poo lana emissions plan na faailoa mai i le Aso Tofi ua alu.

O le lē fiafia o loo mafuli lea i le lafoga o loo totogi i lea fuafuaga, ma mai le Groundswell o le a atili taugata ai meaai faapea ai le aafiaga o fanua ma o le a aafia ai komiuniti i nuu i tua aemaise pisinisi.

O le igoa o lea tetee, “Were not going to take it” ma e amata i le aoauli o le aso a taeao ma e faia lea i Aukilani, Ueligitone, Kalaiesetete faapea Dunedin.