O le Aso Toonai ma le Aso Sa nei aso 9 ma le aso 10 o Mati, o le a lagona ai faafiafiaga faaletausaga aemaise le tele o meataumafa Pasefika i Western Springs i Aukilani.
O le tausaga lenei o le a faamanatu ai foi ma le 32 tausaga talu ona faavae mai le Pasefika Festival i Western Springs, ma o ni aso o le a lagi lelei le tau.
E fitu nuu ua vaevaeina iai lenei tausaga, Tonga, Fiti, Samoa, Tuvalu, le Atu Kuki, Niue ma Aotearoa.
E silia ma le afe i latou o le a faafiafia ai, ma le felanulanua’i o meataumafa mai atunuu eseese o le Pasefika.
