Ua toe tapena le ‘au a le Manu Samoa e taliu mai i le atunuu auā le taaloga ma Fiti i le faaiuga o le vaiaso nei, ina ua manumalo i lana taaloga muamua ma Iapani 24 i le 22 ‘ai.
O lea ua faatulaga mai o le taaloga i le Aso Toonai nei e feiloai ai ma Fiti ae o le faaiuga o le vaiaso asau o le taaloga ma Toga.
O le Manu Samoa o loo umia le Ipu o le siamupini o le Pacific Nations Cup mai le tausaga na tea nei.
I le taamilosaga o le Ipu a le Lalolagi i le vaega o le matutua o le vaega o alii e i lalo o le 20 tausaga, ua toe manumalo le ‘au a le Manu Samoa laiti i le la taaloga ma Hong Kong, i le tuanai o lana taaloga muamua o le taamilosaga na manumalo ai i le ‘au a Kenya.
O loo tālia le taaloga ma le ‘au a Sepania.
