Ua silasila le malo e faamalosia pulega a matai i alii ma faipule o nuu ma afio’aga i le teuteu o le tulafono o pulega o nuu le Village Fono Act, i le fuafuaga e una’ia pulega lelei e taofia ai gaioiga solitulafono ua faaaogā ai fualaau faasāina.
O le ulua’i feiloa’iga a le ta’ita’i o le malo ma Minisita o lana Kapeneta ma sui o nuu ma sui tama’ita’i o afio’aga na faailoa ai lea fuafuaga, ma le tuualalo e tāua le galulue faatasi o pulega a alii ma faipule ma le malo i le tetee atu o fualaau faasāina.
Se vaega o le saunoaga a le Palemia, susuga Laaulialemalietoa Leuatea Polataivao Fosi Schmidt i le feiloa’iga ma sui o nuu ma sui tama’ita’i o nuu ma afio’aga.
O lea feiloa’iga sa fofola ai foi ma nisi o fuafuaga a le malo mo le atina’e o nuu ma itumalo e ala i le poloketi o le miliona tala.
