O le aso lea foi ua sau tala o le a toe amata ai le isi tetee
O lea ua toe faaopoopo leoleo I Ueligitone faapea ai puipuiga ua faamalosia I le nofoaga o loo iai le palemene ona o le salalau o tala I le tetee ua toe tapena
Ua fautuaina foi e leoleo le aufaigaluega a le palemene e galulue mai le fale seia toe maua se isi tala
O le tetee ua ta’u e amata I le aso na faasalalau mai ai e le kulupu ua taua o le NZUnite ma e faapea e lua vaiaso le umi
E foliga mai e eseese polokalame I aso taitasi o le tetee ma o loo fuafua e toatele o le a auai ai
O lea foi e foliga mai e le gata o le tetee lenei o loo faailoa ai le le fiafia I tulafono ma tapu o le Koviti faasaga I le malo ao lea ua faaopoopo iai ma le le fiafia i leoleo
Ae e le I oo mai I le taeao nei, 15 tagata o lea tetee na oo ane I le palemene ananafi ma e faapea o lea sa faatalanoa e leoleo ma toe agai ese filemu, vagana ai le toatasi na ave faamalosi e leoleo ona ua soli tuutuuga o loo tatala ai I tua faanofovaavaaia
