Ua tāpā e le matagaluega o le soifua maloloina le Employment Relations Authority se’i fesoasoani i le talanoaga o totogi o loo feteenai ai nei ma fomai sinia faapea fomai nifo.

O le asō e toe savavali ese ai le silia ma le 5000 sui o le Association of Salaried Specialists mai a latou galuega a o faaauau ai pea tetee, ma o le faatolu ai lea i le asō.

I le faaumiumi ai pea ona lē talia e le asosi o le ofo o totogi ua tuuina mai e le matagaluega, ua fai mai ai ma le matagaluega i le iuni e sili ai le faatalosaga i le Employment Relations Authority mo sana fesoasoani.

Mai le iuni e lē o mafai lava e le ofo o totogi mai le matagaluega ona faafetaiaia le maualuga o le inflation o loo iai nei.

E 4 itula le umi o le tetee i le asō, ma mai le matagaluega o le soifua maloloina e tusa lea ma le 250 taotoga na toe tolopo.