E tuufaatasia tala fou o loo taofia pea i le falemai i Thailand le tagata Niu Sila e toatasi lea na faamanu’alia tigaina a o iai i luga o le faigamalaga a le Singapore Airlines.
E to’a 23 tagata Kiwi sa faimalaga faatasi i le faigamalaga lenei SQ321 i le vaiaso faato’ā uma atu, lea na faate’ia ina ua pa’ū i le maualalo e 1800 mita i totonu o le 3 minute.
O le po o le Aso Sa na sau ai le tala mai Thailand toe 41 mai le silia ma le toaselau lea na manunu’a o loo iai pea i le falemai.
Ae i faamaoniga mai le matagaluega o le va i fafo a Niu Sila ananafi, o loo iai pea le tagata Kiwi e toatasi i le falemai.
O le faalavelave lenei ua maliu ai le tamā Peretania e toatasi ae manunu’a le toatele.
Puna o Faamatalaga: https://www.nzherald.co.nz/nz/singapore-airlines-turbulence-one-kiwi-remains-in-thai-hospital-following-1800m-plunge-on-flight-sq321/NPIXDCCUERBOZOYQN3G4L2WI4I
