O loo faasolosolo manuia se alii talavou 17 tausaga le matua i le falemai tele i Motootua na i se tulaga tigaiga (coma) ina ua faaoolima ai lona tamā fai poo lona step-father.
Faamaonia mai e le aufaigaluega a le falemai na taunuu atu lea alii talavou mai Savaii ua leiloa se mea (coma) ma na iai i lea tulaga mo aso e lua.
Na taofia lea alii ma fai ai togafitiga a Foma’i i le potu tigaiga le ICU i Motootua ma o le po anapo na ripotia mai ai ua tulaga mautu (stable) ma o loo faasolosolo manuia i le potu 7 (acute7).
Taua e le Sui Komesina o Leoleo Auapaau Logoitino Filipo ua taofia nei ma molia se tamā 47 tausaga le matua i le taumafai e faaoo le oti (attempted murder) sootaga i le mataupu. O aafiaga tūga i le ulu o lea alii talavou na leiloa ai se mea ma iai i le coma mo se taimi umi.
O lē ua molia o se tamā ua faaipoipo atu i le tinā o le alii talavou ma aafia.
