I totonu o le lua itula ae silia ma le 50 avetaavale na molia e leoleo i Ueligitone ona o le ave o le taavale ma faaaoga le telefoni.
O se faanoanoaga tele e pei ona molimau le sui o le ofisa, ma o lea ua tuuina atu ai pepa o faasalaga i avetaavale e 51 na maua.
Na maua ai foi ma le toalima avetaavale faatasi ai ma nisi o le pasese e lei faia ni fusipau.
Ua toe talosaga mai ai leoleo ia tautuana e aveese le telefoni a o iai i luga o le auala ma ia ave uma le faamuamua i le aveina o le taavale mo le saogalemu o tagata uma.
