Ua taofi nei e le The New Zealand Transport Agency (NZTA) fesoasoani tupe e oo atu i le 6 miliona mo leoleo, i le feagai ai o le auaunaga ma faafitauli o le tele o matāupu o le lē lelei ma le moni o faamaumauga o fua o le ‘onā o se ‘avetaavale; e pei ona faailo le oo atu i le 30,000 o nei matāupu ua faamauina.
O se faafitauli ua faaalia ai popolega o le alii minisita o fela’ua’iga, Chris Bishop.
Faamauina o le taofia ai o lenei fesoasoani tupe o le a aafia ai le tele o polokalame e tauala mai le vaega ua ta’ua o le Road Policing Investment Programme.
Ua taofia foi e le NZTA le faatautaiga o lipoti ma galuega faatino mo le kuata muamua o le tausaga faaletupe 25/26, se’i vaganā ua mautinoa ma maioio faamaumauga a leoleo i lenei matāupu.
Ta’ua e Minister Bishop le tāua tele o le galulue ina ia maua se tali ma se fofō o lenei faafitauli, a ia sa’o atoatoa faamaumauga e faamau e leoleo i avetaavale i luga o auala tetele i taimi e faia ai siaki o le mānava a le avetaavale.
Puna o Faamatalaga: https://www.rnz.co.nz/news/national/580853/transport-agency-halts-6m-in-funding-to-police-until-breath-test-targets-met
