E silia ma le 4 pasene ua pa’ū ai le tau o le suauu i le po anapo i maketi i atunuu i fafo ma ua iai faamoemoega ia atagia foi ia suiga i se faamāmā avega i le tau o le suauu i le atunuu.
O loo faatalitalia foi ma se pa’ū i le tau o le penisini.
E lē gata i lea ua maitauina le siitia foi o le malosi o le tala Ausetalia ma fai mai i latou o loo galulue i le matata lea afai e tumau pea le malosi o le tala Ausetalia e lē taumate o le a vaaia foi le faaitiitia o le tau o le suauu i le pamu.
O loo iai le popolega i aafiaga foi o le taua i Gaza e iai aafiaga lē lelei i le tamaoaiga o le lalolagi.
