O loo fia maua e leoleo I Sini le fesoasoani a le lautele o le atunuu ile tau sailia o se tamaititi 13 tausaga ua faailoa mai o loo sailia I le itu I saute I sisifo o le aai.
O Kolio Leaupepe na mulimuli vaaia poo le toe kuata I le tolu I le aoauli o le aso Lua o le vaiaso nei , o pue lana train mai Regents Park agai I Liverpool.
Taua I lipoti a le 9 News na lipotia ane I leoleo ma amata ai suesuega ma ua tuuina foi lona ata I lipoti e fesoasoani ai pe iai nisi sa ono silafia se faamatalaga ia te ia.
Mulimuli vaaia o laei lona ofu aoga o le polo shirt lanu uliuli ma tusitusi mumu ma ofuvae pupuu lanu uliuli.
Fai mai le lipoti e talitonuina e tatau ona iai I le faaitu o Liverpool poo se vaega o le ogatotonu o Sini. Talosagaina e leoleo le fesoasoani a le atunuu I se faamatalaga e uiga ia Kolio ina ia valaau ane le ofisa o leoleo I Liverpool poo le crimestoppers ile 1800 333 000.
