Ua talosaga le Qantas i ona sui sinia mo se fesoasoani e galulue i le vaega o loo la’u ai ato a pasese a o paso ai i le utiuti o le aufaigaluega.
E 3 masina lea ua faatalosagaina ai e le Qantas sui o lana pulega e tusa lea ma le to’aselau e galulue volunteer i malaevaalele i Sini ma Melepone.
O galuega nei e aofia ai le la’uina o ato a pasese i le vaalele faapea ai ma le aveese mai pe a taunuu le vaa ae lē gata i lea o le aveina o taavale o loo fela’ua’i ai ato a pasese i le malaevaalele.
O le to’atele o le aufaigaluega e maua i le fulū faapea ai ma le toe sau malosi o le Koviti, o mafuaaga tetele ia e lua, faaopoopo iai ma le to’agaogao o le aufaigaluega i le maketi.
