O le Aso Toonai a o lumanai le taaloga a le Toa Samoa ma Egelani i le semi final o le Ipu o le lalolagi i le lakapi liki, o le a faia ai foi solo a taavale i le taulaga i Apia mo le faaali o le lagolago aemaise o le tapua’ia e le atunuu o lea taaloga tāua, o le taimi muamua ua sao ai Samoa i le semi final o se taamilosaga o le ipu o le lalolagi.

Ua faailoa e le sui Komesina o leoleo le afioga Afamasaga Samuelu, e tolu ni talosaga ua tuuina atu mo ni pemita faataga e faia ai ia solo, ma o ni faalapotopotoga tau taavale o loo talosaga i ni pemita faataga. 

O le ‘afa o le tolu o le vaveao o le Aso Sa o lumanai nei, o le a faia ai le taaloga a le Toa Samoa ma Egelani.