Ua talosaga charities ma social workers e faia se suesuega I le Work and Income ona o le le lelei ona vaaia o tagata Kiwis o loo moomia le fesoasoani

O le ripoti lea na sau I tua ananafi o loo faamatalaina ai le le lelei o auaunaga, ma o loo saini ai le 13 o faalapotopotoga eseese

O se tasi o faalapotopotoga o lea 13 o le Save the Children ma ua ia molimau I le faatiga ulu o le taumafai e saili se fesoasoani toe taumafai e saili faamaumauga e faamaonia ai le tulaga faigata ua oo iai

O loo mafuli le le fiafia o I latou ua tutu faatasi I le auaunaga o loo muai faafeiloaia talosaga a tagata o loo faatoai atu, ma o le tele lava o taimi o faamatalaga sese ma faaupuga e pei ua faalumaluma ai le o loo talosaga

E ui o loo faafetaia e ia faalapotopoga le system o loo mafai ona maua ai fesoasoani I totonu o Niu Sila, peitai I la latou silasila e moomia pea le sao o le malo e ala I le faataunuu o la latou mau I mataupu e faamuamua

O fesoasoani tau meaai faapea fale lea o loo talanoaina I lea talosaga.