Nanaia Mahuta

Talosaga e faalautele fefaatauaiga faavaomalo a Niu Sila

E tatau ia Niu Sila ona faasafua I tua tuutuuga o loo fefaatauai ai, ae le o le ave uma ia Saina

O le augani lea a le minisita o le va I fafo, Nanaia Mahuta ao saunoa faapitoa ai I le fonotaga a le council a Niu Sila ma Saina ananafi I Ueligitone

O Saina o le paaga aupito I tele lea o loo fefaatauai ma Niu Sila talu mai le 2017, ma o le toe Iloilo o le maliega I le va o Saina ma Niu Sila e le I mamao atu nei, o se itu e talitonu le tamaitai minisita o loo penefiti ai pisinisi Niu Sila, peitai e le tatau ona taulai tasi iai le faatuatuaga tau I fefaatauaiga faavaomalo

Ua faaalia ai foi e Mahuta lona popole I le tulaga o loo nofoaitalafu ai atunuu Pasefika ia Saina

O se lauga e le masani ona faalogoina, pe a vaavaai lea I le toe finau malosi mai o Saina pe a oo ina osofai atu e Niu Sila, e tusa ma saunoaga a le polofesa ia Anne-Marie Brady o le Iunivesite o Canterbury

Ma e le I iai se itu e le I oo iai le saunoaga a le minisita e aofia ai ma mataupu e le malilie ai atunuu e lua, peitai saunoa a ia, o le a uia pea e Niu Sila feutanaiga faatemokalasi I talanoaga I le va ma Saina ae o le a le laaloa ai le tautinoga a Niu Sila e puipuia aia tatau a tagata lautele

Share on facebook
Share on twitter
Share on email
Share on whatsapp

LAUILOA

Keep uptodate with Radio Samoa activity & promotion

* indicates required