O le K9 Estelle poo le taifau sosogi lea sa tuuina aloaia i le Matagaluega o Leoleo a Samoa e se tasi o sui o le Matagaluega o Leoleo a Niu Sila.
O lenei taifau o loo fesoasoani lea i auaunaga a le Matagaluega o Leoleo e iloa ai soligatulafono ma suesuega.
I upega o faamatalaga mai le Matagaluega o loo faailoa ai le manaomia o le faaauauina pea o le faigapaaga a Samoa ma Niu Sila e fesoasoani ai i nisi o vaega o le galuega.
E le gata i lea o polokalame o loo lagolagoina e le Malo o Niu Sila e tauala mai i le Matagaluega o le Va i Fafo.
O loo amanaia foi ma faafetaia e le Matagaluega le fesoasoani a se tasi o taifau sosogi na galue ai mo le 6 tausaga i le Matagaluega lea na mafai ona maua ai fualaau faasāina i le malaevaalele i Fagalii.
