O lea na tuuina atu nisi o a tatou lipoti e tusa ai ma tulaga o loo iai le tuuitiitia o le numera o faia’oga ua iai i le taimi nei, e pei ona faamauina le silia ma le 400 o avanoa faia’oga ma ulu a’oga e lē o faatumuina.
Ae o lea ua faaali le manatu o le tama’ita’i Minisita o A’oga, Erica Standford, e lē o faapea o lenei numera 450, o le numera na e lē o iai i totonu o potu a’oga, ae o le uiga tonu o lea numera, o loo patino i avanoa lē tumau, poo ni avanoa mo ē o loo iai tomai faapitoa.
Ta’ua e Standford e faavaitaimi lava tulaga e alia’e mai ai lea matāupu, e iai lava taimi e fesuisuia’i ai le numera o faia’oga, aemaise lava le amataga o le tausaga i le tele o fesuia’iga o fuafuaga o a’oga.
Faamanino e le Minisita, o loo galue le Malo e māta’itūina tulaga ma’ale’ale o loo iai le tele i galuega ma vaega o le sa’ilia ai o tagata galuega; aemaise o le tilotilo i auala e tata’i mai ai manatu o faia’oga mai atunuu i fafo, faapea le tele o fuafuaga mo le faaleleia o lenei matātā.
Puna o Faamatalaga: https://www.newstalkzb.co.nz/on-air/mike-hosking-breakfast/audio/erica-stanford-education-minister-on-the-rise-in-teaching-vacancies/
