O le taamilosaga o le ipu o le lalolagi ile lakapi a tamaitai mo le tausaga nei 2021 ua lipotia o le a toe tolopo, faamaonia e le World Rugby. Ise pepa o faamatalaga ua fautuaina ai le toe tolopo o le taamilosaga I le tausaga fou ona o tulaga o le faamai.
O le caiaso fou ua fuafua e toe Iloilo ai e le World Rugby lea tulaga. Sa faatulaga e amata le taamilosaga ile aso 18 o Setema agai Ile 16 o Oketopa tausaga nei I Whagarei ma Aukilani lea na fuafua e muai feiloai ai le Black Ferns ma le au a Ausetalia I Eden Park.
Fai mai le World Rugby o sa i femalagaaiga ua avea ma faafitauli mo au I tapenaga mo le taamilosaga ma o luitau e aofia ai le le mautinoa o taimi o faigamalaga aemaise foi o tulaga i le faanofoesea.
O le a toe tuuina mai seisi lipoti lata mai e le World Rugby pe a maea le fonotaga a le Komiti o Pulega ile vaiaso fou. Ua faailoa se fnagalo o le malo o Niu Sila o loo tumau pea le naunautaiga e talimalo I lea taamilosaga I le tausaga fou pe afai e mautu mai se faaiuga mai le World Rugby.
E 9 au sa faamautuina mo le taamilosaga e aofia ai Niu Sila, Wales, Ausetalia, Kanata, Amerika, Enelagi, Farani, Aferika I Saute ma Fiti ma isi au e tolu sa faatulaga e faamautu avanoa i taaloga o qualifiers. O le taamilosaga kirikiti foi a tamaitai o le ipu o le lalolagi sa fuafua e faia I le tausaga nei ua toe tolopo foi ile tausaga fou ona ole koviti 19 lava
