E ono toe faafoi le fanua na aumai mo le fanuatanu e faaaogā e fau ai fale.
O le fuafuaga lea ua vaavaai iai le Council a Rotorua ma o lea ua tatala le avanoa i tagata o le komiuniti e faaleo ai o latou finagalo i lenei suiga.
E 3.5 eka le telē o le fanua na faameaalofa mai e se tasi o Iwi i le 1880 ina ua faavae mai Rotorua e faaaogā o se fanuatanu, peitai o le vaega i Matu o le fanua e le mafai ona faaaogā mo le faamoemoe na faameaalofa mai ai.
O loo tatala pea faatalanoaga i le taimi nei ae tapunia i le amataga o le masina fou, ma ua vaavaai foi le Council i le faatupeina o le fausiaina o fale pe afai ae taunuu le faamoemoega, se’i fesoasoani ai i le faafitauli o le utiuti o fale i Rotorua.
