Ua faatalanoa mo le uluai taimi e le alii palemia Anthony Albanese mataupu tau le puipuiga, le mataupu i le AUKUS faapea ma vaamaulu niukilia i se faatalanoaga i le National Press Club of Australia i le vaiaso nei.
Fai mai le Palemia o le taulaiga o loo iai nei ia silasila toto’a i mataupu o loo ave iai le faamuamua. Sa lotea foi ma le mataupu e faatatau i le superannuation ma lona faamoemoe autu na ala ai ona faatinoina.
Ta’ua e le Palemia a silasila i le agai i luma e ao lava ona faaauau pea lea faiga. Na saunoa foi le Palemia i le mataupu e faatatau i le AUKUS ma le puipuiga foi i atumotu o le Pasefika.
Ua faailoa ai foi le sauni e faia se fonotaga e faatatau i le puipuiga i luga o upega tafailagi, cyber security i le vaiaso fou i Sini mo le faamoemoe lava ia faamalosia pea le tulaga tau le puipuiga e le gata i totonu o le atunuu ae i soo se auala lava o loo faaaoga mai e nisi tagata e osofaia ai le nofo lelei o le atunuu.
