Ua uma le fono a councillors o le City Council a Kalaiesetete, ma ua sau ai le fuafuaga o le sii o rates i le 5.68%.

Saunoa le pulenuu o Kalaiesetete Phil Mauger e ui i le taumafai o le council e faatumau le maualalo o rates nei e totogi e le o mafai lea ona o le siisii o le inflation, poo le alu i luga o le tau o le aotelega o oloa ma auaunaga ao loo fai ifo le malosiaga o le tupe.

I le fonotaga ananafi o le isi mataupu taua na lotea ai o le faaaogaina o le suavai aemaise o le faaleleia o le tele o meatotino o loo agavaa iai tagata lautele.

O se fuafuaga o le a sau i tua i tagata lautele mo lona faatalanoaina amata mai le aso 10 o le masina fou ma o loo fautuaina e le pulenuu tagata Kalaiesetete ia faaaoga le avanoa e faaleo mai ai o latou finagalo.

Ae afai ae talia le siitaga o rates a Kalaiesetete o lona uiga e amata aloaia mai le aso muamua o Iulai.

I rates lava o Ueligitone le isi aai o le a alu foi i luga ile 12.3% ana rates, peitai o Ueligitone o lea ua mautinoa ma e amata aloaia lana siitaga mai le masina o Iulai