I se lipoti lata mai o le afā o Jasper ua ta’ua e le vaaitau ua faaauau pea ona faaopoopo lona malosi a o lalata ane i gataifale o Kuiniselani.
O loo lapataia nei se vaega tele o gataifale o Kuinselani i le afā lea fai mai le vaaitau e iu ina taunuu i fanua i le amataga o le vaiaso fou.
O le taimi nei o loo faamauina lona malosi i le Vaega 3 poo le Category 3 ae ua fuafua e faatupulaia lea malosi i le faasolo atu i le faaiuga o le vaiaso.
Ua fautuaina tagata ia faaauau pea ona mataitu tulaga o le afā lea ona e foliga e fai lava si malosi.
Faamanatu e leoleo i tagata i lea faaitu, faafofoga pea i leitio ma televise ma ia siaki i taimi uma le tala o le tau.
