O loo tala manuia mai le ‘au atoa o le Manu Samoa a o iai i le taamilosaga o le Ipu o le Lalolagi i Farani, e pei ona sa faatino a latou koleniga i le amataga o lenei vaiaso auā lana taaloga lona lua o le a feiloai ai ma le ‘au malosi a Argentina i le faaiuga o le vaiaso nei.
Ua faailoa e le taitai malaga o loo lelei le tausiga o le ‘au ma o se isi lea o vaega tāua o loo fautuaina ai le ‘au o le tausi i taumafa.
Le taitai malaga o le Manu Samoa susuga Su’a Hesed Ieremia i se talanoaga a o iai i Farani i le sailiga o le siamupini o le Ipu o le Lalolagi i le taaloga lakapi iuni.
