Ua omai i luma le National ma le ACT, ma i fuainumera ua iai ua mafai ai nei ona o laua fauina se faigamalo. O le iuga o le palota faapolokiki a le One News Kantar Public poll ua pau ai i le 33% le Labour ao lea ua saofai mai le National i le 38%.
O le ACT ua 11% ma le New Zealand First ua 4%. Peitai e leai se suiga tele mo le Greens ma le pati a Maori.
O le suiga tele ua maitauina i le palota faapolokiki lenei faatusa ia Setema o le faaopoopo o tagata ua taumate le tamaoaiga lea ua alu ai i luga i le 23 points ma saofai ai i le 63%.
Ae mo le Palemia o loo mananao iai tagata, lua faaopoopo mo le taitai o le National Christopher Luxon ma ua 23% ai nei, ao Jacinda Ardern ua pau le tasi ma e 29% na ia maua. A fua i fuainumera mai lea suesuega, ua lava ma totoe e faia ai le faigamalo fai faatasi a le National ma ACT.
