O loo tigaina pea i le falemai si tamaititi lea na taia e le uila i le aso ananafi a o iai i se tasi o matafaga i le itu i Saute o Wollongong i Niu Sa Uelese nei.
Fai mai le 9News e 8 tausaga o le tamaititi ma faailoa foi o loo iai mu i lona tino ina ua aveesea mai le sami i le aso ananafi e le o mafai ona mānava ma faatino loa iai galuega laveai a life guards faapea ma se fomai sa iai i le matafaga i lea taimi.
O se tasi lenei o faalavelave na lipotia ane mai le faitau afe o faalavelvae na manaomia ai le fesoasoani a i latou ua ofoina le soifua i lea foi ituaiga auaunaga aemaise lava i le faailogaina o le aso malolo i le aso ananafi.
Fai ma i le Surf Life Saving NSW e toa 20 tagata na manaomia foi le latou fesoasoani i le aso ananafi i le matafaga i Maroubra i le itu i Sasae o Sini.
O loo lapataia foi vaega o Sini i storms ma uiga louloua o le tau i nai aso o lumanai ai ma ua fautuaina foi i latou e fiafia e agai i matafaga mo taelega ina ia faaeteete.
