Ua faamaonia mai e leoleo Tahiti ma le au su’esu’e ua o latou maua foi se isi uta tele o le cocaine i le uafu i le laumua o Tahiti o Papeete.
O le su’esu’ega sa faatino i le ogatotonu o le masina na te’a nei na maua ai le silia i le 30 kilokalama o le cocaine fai mai o le uta e lē taumate sa fuafua mo Ausetalia ma Niu Sila.
O le faamatalaga lea mai le Hai Komesina o Falani, Alexander Rochatte i se pepa o faamatalaga.
O loo ta’ua na maua ia fualaau faasāina i ni afifi se 27 ua afifi lelei i pepa iila i ni containers sa iai i luga o le vaa lea i le uafu.
Fai mai leoleo na o latou maua foi le isi uta tele o fualaau faasāina ia Mati o le tausaga nei lava faapea foi ma Iulai ae tai tutusa lava tulaga o loo ave ane ai nei fualaau faasāina i le atunuu.
O loo faaauau le su’esu’ega poo ai o le a molia i ia sapalai o fualaau faasāina.
Puna o Faamatalaga: https://www.rnz.co.nz/international/pacific-news/580806/another-major-cocaine-shipment-intercepted-in-papeete
