O tagata Pasefika lea e tele ina faaaogaina auaunaga a le Emergency Department a falemai, ma ua fesiligia ai nei pe aisea.
Mai se tasi o suesuega na faia i le 2019 faapea ai ma se tasi na toe faalauiloa i le vaiaso faatoa uma atu, na taulai lea i le mafuaaga e ala ai ona toatele tagata e agai i Emergency Department ma i faamaumauga o tagata Pasefika lava e maualuga ai mai le faatulagana o tagata mama’i e agai i ED.
Na maua ai o le mafuaaga o loo toatele e tusa ma tali o suesuega o le lē mafai ona maua se appointment e vaai ai le fomai faaleaiga.
Na lipotia o lea ua faia e le falemai i Middlemore i Aukilani nisi o pepa o faamatalaga e a’oa’o ai tagata lautele i isi uma gaioiga e faia a o lei mafaufau e sulu atu i le ED, peitai e mai lea suesuega e moomia pea le toe faia o se isi suesuega agai i tagata Pasefika.
O nisi e faapea o lea lava na faalogo i faatonuga mai a latou fomai.
E lei mafai e suesuega ua uma ona fai, ona taliina le fesili, ma e tusa ai ma le suesuega na faalauiloa i le masina nei, e moomia le toe faia o se isi suesuega.
