Ua faamaonia mai ua maliu si alii e 24 tausaga lea na tafea i le sami i le aso ananafi i le Northern Rivers region.
Fai mai leoleo na faamatala atu e molimau o lē ua aafia e mai Sini ma sa iai faatasi ma se isi ana uo i se vaega papa’u o se tasi o matafaga i Yamba ae faafuasei ona tafea i le āu poo le ‘afa o le 2 i le aoauli ananafi.
Fai mai leoleo sa ia alaga ane i nisi mo se fesoasoani a o lei oo ina leiloa atu.
Sa faia sailiga a leoleo mai le Gold Coast ma faatoa maua poo le ta o le 6 i le afiafi ae na maliu ai lava i lea nofoaga.
O loo faia pea suesuega ae o faamatalaga na maua e leoleo e faapea sa asiasi atu sia alii i le faaitu lea ma sana uo ae tupu ai le faalavelave.
