E 49 tausaga o se tamaitai mai Niu Sila nei ua lipotia na malemo a o iai i sana tafaoga i le atumotu o Rarotonga.

O leoleo mai le Atu Kuki na o latou faamaonia sa afaina le soifua o lea tamaitai a o faamalu i le Edgewater Resort i le Aso Sa na tea nei ma ua faia nei le suesuega e le coroner.

Faailoa mai o loo sauni nei le toe faafoi mai o le tinomaliu o lea tamaitai i le atunuu ma ua faailoa i se pepa o faamatalaga mai le ofisa o le Hai Komisi a Niu Sila i le Atu Kuki o le toalua ai lea o tagata Niu Sila ua malelemo i le Atu Kuki i lenei tausaga.

O loo faatalia se lipoti o le mafuaaga o le faalavelave ua aafia ai sia tamaitai Niu Sila.