O tagata penisiona e toe fia foi i galuega o le a mafai ona o latou faatino lea tulaga ma faaitiitia popolega ina ne’i lusi le avanoa i le income support payment i lalo o nisi suiga fou e lua ua faia e le faigamalo a le Feterale o se vaega o le isi a latou taumafaiga fou i tulaga tau galuega.

I se taumafaiga ina ia unaia le aufaigaluega, ua faalauiloa ai e le malo le ponesi tau galuega o le a mafai ai ona faatumau tagata faigaluega ma faaopoopo ai tupe maua.

Amata i le aso 1 o Ianuari pe afai ae pasia uma ia tulafono i le Palemene o tagata uma e maua penisiona a le aumatutua ma isi o le a maua foi le latou ponesi faigaluega e 4 afe.

Fai mai le minisita o le social services, Amanda Rishworth o le faiga lea o le a faataga ai tagata e faigaluega i galuega pupuu ma tumau pea o se vaega o le income support payment ia faafaigofie ai suiga ma ia aua ne’i iai se faaletonu pe afai ae lē toe faaauauina galuega.