Ua suia mai le 7 i le 5 aso e faanofoesea ai tagata maua i le Koviti a Ausetalia.
O le suiga lea na sau anapo i le mae’a ai o le fonotaga a le Kapeneta ma o le faaiuga e le mo tagata uma.
Mo tagata galulue o loo faafeagai ma auaunaga e maualuga le lamatia e pei o i latou o loo vaaia tagata matutua, e tumau pea le 7 aso faanofoesea pe a maua i le Koviti.
Ta’ua e le palemia, Anthony Albanese o le 5 aso o le a suia mai iai o loo faatatau lea i tagata e le o faalogoina ni auga.
O se suiga e talitonu le taitai o lea malo ua alagatatau ma le tulaga ua iai le faamai i lenei vaitaimi.
O le Aso Faraile o le vaiaso fou e aloaia ai.
Ae a tuu mai ia Niu Sila, o lea o loo tālia nei se faaiuga a le malo pe faamata na te taliaina fautuaga ua tuuina atu iai e suia mai le 7 i le 5 aso faanofoesea ae moomia le faia o siaki e lua, ma o se taimi o lenei masina o le a manino mai ai.
