E sau loa I lalo le malosi o le Omicron faia loa suiga ma faamama sa o loo feagai nei ma Niu Sila
O saunoaga nei a le taitai o le atunuu, Jacinda Ardern ananafi ao faailoa ai poo le isi 3 I le 6 vaiaso a sau o le a faatetele ai le Omicron
A fua I lea piriota o lona uiga poo se mea o le faaiuga o Mati lea o le a amata faamama e ui e iai nisi o vaega o le a le mafai ona aveesea ona o puipuiga
O le poloaiga o loo faamalosia ai tui puipui o le Koviti mo tagata galulue o le a faatumauina pea mo nisi e pei o le vaega a le soifua maloloina faapea nofoaga e maualuga le lamatia ae o loo feagai ma tagata
O vaccine passes e ono aveesea pe a agai ese le atunuu ma le moli lanu mumu o le traffic light system o loo iai nei, ma I nei suiga o le tapa o vaccine passes le suiga ua vave ona oo mai
E faapea foi le faaaogaina o ufi fofoga, ma o nisi o faatasiga o le a iai lava le numera faatapulaa
Mai le palemia e leai se isi e le o eeva ona o faiga a le Koviti ma e leai foi se tasi e fia ola I lalo o ni sa ma tapu
