Masalo poo le Kerisimasi ua aloa’ia suiga i tulafono fou mo le faatauina o le ‘ava malosi i Aukilani.
O suiga nei e lē mafai ai e faleoloa o loo faatauina ‘ava malosi ma supamaketi ona toe faatau atu se ‘ava malosi i tua atu o le ta o le iva i le po, ma o le a taofia foi le toe faamatuu mai o laisene fou mo nisi o taulaga faatau poo town centres.
Ua uma le iloiloga umi faaletulafono na finauina ai lenei mataupu ma o lea ua talia, faatali ai le aso 29 o le masina lenei e fono ai le pulenuu o Aukilani, Wayne Brown ma councillors e talanoa poo le ā le aso e aloa’ia ai.
Na ta’ua e se tasi o loia o loo galue foi i tua mo le manuia o tagata lautele e patino lava lea i Aukilani i Saute, Dr Grant Hewison, talosia ae aloa’ia a o lei faia le Kerisimasi ma i lona talitonuga o se suiga lelei lea mo Aukilani i Saute.
I le aotelega o pitonuu o loo sau i le lisi e faamuamua, mai pitonuu e 23, e 13 pitonuu o loo i totonu uma o Aukilani i Saute, ae o le isi 10 o le tele o loo i le Central faasolo atu i Aukilani i Sisifo.
Puna o Faamatalaga: What the new alcohol rules mean for Auckland | RNZ News
