O le a iai ni suiga i aso ma itula e tatala ai le faiga o peimeni o le Centrelink ona o le faamanatuina o le ANZAC Day o lenei tausaga 2024 ma lona aso malolo.
Ua ta’ua mai e le 7News ua fetuunai itula e tatala ai nisi o lālā o le ofisa ona o le a tapunia i le Aso Tofi nei, 25 o Aperila e faailoga ai le ANZAC Day.
O le a tapunia foi le tele o Call Centres ae o le a faaauau pea nisi o auaunaga online faapea ma telefoni.
Ua lipotia foi le fetuunaiga i taimi e maua ai peimeni a i latou o loo agavaa i faamanuiaga mai le Centerlink ma ua fautuaina tagata ia siaki a latou accounts mo taimi ma aso o ia suiga.
Puna o Faamatalaga: https://7news.com.au/news/how-centrelink-opening-hours-payments-and-reporting-dates-will-change-for-the-2024-anzac-day-public-holiday-c-14319344
