E latalata i le 2,000 faigamalaga faavaomalo a le Ea Niu Sila o le 2023 ua toe sui taimi, ma ua aafia ai fuafuaga a le faitau selau afe o pasese.
O le 90% o faigamalaga a le kamupani vaalele o lea ua sui le vaalele poo le faaopoopo foi o le isi itula e tuai ai, ae o le isi 10% ua sui le aso.
O se suiga e le o faigofie i nisi na molimau i tala a le leitio a Niu Sila, ma le tala ua aafia ai ma faletalimalo ma taavale totogi ua uma ona totogi ma o le isi foi tupe e toe sui ai.
Ae mai le kamupani vaalele o lea lava o loo paso e tau faasoa le toatele o tagata feoai ma vaalele o loo faaaogaina ma o le faaiuga o Me o le tausaga a sau e tatau na oo atu iai ua toe felelei uma le 7 o ana vaalele tetele, Boeing 777-300.
Ae mai nisi o pasese, o loo fiafia o loo tele masina o loo ta’u atu ai e le Ea Niu Sila suiga e tapena mamao iai.
Mai le Ea Niu Sila, e leai se aafiaga i faigamalaga i totonu o le atunuu.
