I le vaega faaupufai a le National lea sa vaavaalua ma le Liberals i le faigamalo a le Soofaatasi poo le Coalition lea sa tulai mai i le foe i le faafoeina o Ausetalia i tausaga talu ai ua faamaonia mai i le asō ua lē toe filifilia Barnaby Joyce o le ta’ita’i ae ua filifili le to’atele o le pati ia David Littleproud.
Ua filifilia foi le faipule o Perin Davey i le sui ta’ita’i o le Nationals. O le fonotaga na faia a le vaega faaupufai i le asō ua faatino ai ma le palota mo ona ofisa ma o le uluai fonotaga foi lea a le pati talu ona faia’ina a le soofaatasi i le palota na se’i mavae atu nei.
Fai mai Littleproud o lana moemitiga lea sa iai ia avea ma ta’ita’i o le pati talu mai le 40 tausaga talu ai. Na ia faailoa foi o ia e talitonu i le vaega faaupufai ma o le a amata nei le faigamalaga a le National agai atu i le 2025.
O se tasi o mataupu o loo agiga i lipoti o mataupu nei i vaega faaupufai o le tulaga i le tala o le tau ma suiga ma le valaau a le to’atele ia oo atu i le 2050 ua ausia le leai o ni kasa oona e toe faasalalau i le siosiomaga ma afua ai suiga eseese i le tala o le tau.
