Ua taoto nei se fuafuaga a le Matagaluega o Faatoaga ma Faigafaiva o le a siitia ai le tulaga o oloa tau faatoaga e auina i maketi i fafo i le faamoemoe e faalauiloa ai le igoa o Samoa i ana oloa e faatau i fafo.

O le sauniga o le Aso o Taumafa a le Lalolagi le World Food Day sa faia i Savaii i le Aso Lua o le vaiaso nei, na faailoa ai e le Minisita o Faatoaga ma Faigafaiva le susuga Laauli Leuatea Polataivao Fosi Schmidt, le suia o igoa o nisi o fua tau faatoaga o loo ave i fafo, le taamu Toga ma le taamu Niukini ina ia tauave ai le igoa o Samoa, ae le toe faaaogaina igoa o loo iloa ai ia fua tau faatoaga.

Le Minisita o Faatoaga ma Faigafaiva susuga Laauli Leuatea Polataivao Fosi Schmidt, i le faailogaina o le Aso o Taumafa o le Lalolagi mo lenei tausaga.