O le asō na faamoemoe e asia ai e Princess Anne se tasi o nofoaga o le ami a Niu Sila, peitai ona o le afā o lea ua suia ai nei.
O lea na tuua e Princess Anne ma lona alii Sir Timothy Laurence Lonetona i le po o le Aso Sa ae e lei agi le afā, ma malaga mai ai i le malaga e 4 aso ma le faamoemoe e le gata e feiloai ma le Palemia fou o Niu Sila Chris Hipkins ae faapea le asia o le Linton Military Camp e latalata i Palmerston North mo le Royal New Zealand Corps of Signals.
Peitai ua faamaonia mai e le ami a Niu Sila, ona o le afā ma le pisi o le ami o loo iai nei i galuega laveai ona o le afā, ua le faataunuuina ai.
Ae i se pepa o faamatalaga, o lea ua suia agai National Crisis Management Centre lea o loo i le Beehive ma o le a feiloai ai i le taeao nei ma le aufaigaluega o loo gafa ma galuega fesoasoani mo le afā sa iai nei.
